Definiciones y condiciones

I. Los grupos d’edaes establecíos pal cálculu de los precios son estos:

- Preinfantil: hasta 5 años (inclusive).

- Infantil: hasta 14 años (inclusive).

- Veteranu: dende 65 años (inclusive) n’adelantre.

La edá de referencia pa la tramitación de los abonos anuales va ser la que tenga’l solicitante na fecha oficial pa empezar la temporada d´iviernu, siempre y cuando’l trámite se faiga primero de la fecha oficial de principiu. Desque la temporada oficial empiece, la edá de referencia va ser la que tenga’l solicitante de la que tramite l’abonu anual.

II. El periodu de pagu pretemporada indicáu pa l’adquisición de los abonos anuales va poder ser oxetu d’ampliación nel casu de que se considere oportuno, primero de qu’acabe’l plazu, pente medies de resolución de la conseyería competente en materia de deporte. 

III. Va entendese como temporada d’iviernu les feches ente los díes 27 de payares del 2025 y 5 d´abril del 2026. Va entendese como temporada alta, amás de tolos sábados, domingos y festivos comprendíos nesi periodu, estes feches:

- 22, 23, 24, 26, 29, 30 y 31 d’avientu del 2025.

- 2, 5 y 7 de xineru del 2026.

- 13, 16 y 17 de febreru del 2026.

- 30 y 31 de marzu del 2026.

- 1 d′abril del 2026.

A los demás díes del calendariu previstu va aplicase’l preciu correspondiente a la temporada baxa. Ensin perxuiciu de lo anterior, y a tenor de les condiciones meteorolóxiques y la disponibilidá presupuestaria, la conseyería competente por razón de la materia del Principáu d’Asturies, va poder adelantar y/o retrasar el principiu y el fin de la temporada respectivamente.

Puen consultase les condiciones xenerales y especiales nel BOPA temporada 2025/2026.