Abonu de temporada

Procedimientu pa la tramitación d’abonos de temporada 2025/2026 Estación Ivernal Fontes d’Inviernu

Apertura de plaza de tramitación, tanto en llinia como de forma presencial: 15 de payares del 2025.

Fecha tope periodu de pagu pretemporada: 21 de payares del 2025 (inclusive)

Compra online 

Pueden facer la compra o renovación del so abonu al traviés de la plataforma: https://fuentesinvierno.skisolution360.com

El pagu na plataforma ha facese con tarxeta de débitu/creitu.

La plataforma de compra en llinia dexa facer la compra téngase o non tarxeta d’abonáu d’años anteriores, pa cualquier tarifa, con independencia de la tarifa que tuviere primero.

- Si se dispón de tarxeta chip, ha metese la numberación del soporte; el cálculu del últimu díxitu ye automáticu; ha comprobase que se tien físicamente la tarxeta pa facer depués el control d’accesos con ella, y que nun ta rota. Ye válidu cualquier soporte qu’usare’l mesmu titular en cualquiera de les temporaes anteriores. Nun importa si hai un cambéu de tarifa, o si a lo llargo d’una o delles temporaes nun se renovó. La tarxeta va recibir l’activación nos tornos de los remontes de primer accesu de Fontes d’Iviernu o Valgrande-Payares.

- Si nun se dispón de tarxeta chip, al traviés de la plataforma va poder facese el procesu de compra, recibiendo per corréu electrónicu una confirmación con un localizador qu’ha presentase nes oficines centrales de la estación d’esquí pa la emisión de la tarxeta correspondiente, primero d’acceder a pistes. El costu del soporte (5 €) ha pagase al tiempu de recoyelu.

• Pa les tarifes carné mozu, tarxeta deportiva Uniovi, federáu, familiar, familia numberosa y abonu de persona con discapacidá, la documentación acreitativo del descuentu tien que lo presentar l’usuariu al traviés de la propia plataforma. Ha completase’l procesu de compra, pero la operación de recarga nun va rematar hasta que’l personal de la estación compruebe la documentación presentao.
• De la mesma manera, va ser menester xubir na plataforma una semeya actualizada, con independencia de que seya un abonu nuevu o una renovación.
• Tamién va ser menester xubir na plataforma una semeya actualizada tanto pa renovaciones como pa inscripciones nueves.
• Tres de completar el procesu de compra va recibise un e-mail de confirmación indicando qu’ésta ta “pendiente de revisión”. La confirmación definitiva va unviase desque’l personal de la estación compruebe la validez de los documentos presentaos. Nel casu d’existir cualquier error vamos ponenos en contactu al traviés de corréu electrónicu. Nel casu d’haber cualquier error, el personal de la estación va contactar al traviés de corréu electrónicu, o telefónicamente.
• Esti procesu pue tardar dellos díes, dependiendo del volume de tramitaciones.

Pa cualquier dulda o incidencia col procesu de compra online pue unviase un corréu electrónicu a abonados@fuentesdeinvierno.com, indicando nome, corréu o teléfonu pa contactar y una esplicación curtia de la incidencia. Vamos ponenos en contactu con ustedes por orde de llegada. Vamos ponenos en contactu pa xestionar cada incidencia, atendiendo al orde de llegada de les consultes.

Tramitación presencial 

La tramitación presencial va facese namás nes oficines centrales de la Estación Ivernal Fontes d’Iviernu, n’horariu de 09:00 a 13:30 y de 15:00 a 16:45 hores tolos díes de la selmana.

El pagu va poder facese n’efectivo o tarxeta.

Documentación qu’hai que presentar:

• Solicitú d’abonu con datos personales.
• Pa renovaciones, soporte d’años anteriores.
• Semeya recién, la estación dispón de medios pa sacar la semeya de manera presencial.
• P’abonaos nuevos, fotocopia del DNI peles dos cares.
• Si ye’l casu, fotocopia de la documentación acreitativo pa tarifes de descuentos. 

L’abonu de temporada va entregase (sacando causes de fuercia mayor) de la que se tramite.